नेपालगन्जः प्रधानमन्त्री पुष्पकमल दाहाल प्रचण्डले जनता समाजवादी पार्टी (जसपा)लाई समेटेर मन्त्रिपरिषद् विस्तार गर्न लाग्नुभएको छ । जसपा पार्टी अध्यक्ष उपेन्द्र यादवको नेतृत्वमा सरकारमा सहभागी हुन लागेको हो ।
यादवले उपप्रधानमन्त्री तथा स्वास्थ्यमन्त्री सम्हाल्नु हुनेछ । जसपाका अर्का नेता नवलकिशोर साहलाई वन तथा वातावरण मन्त्रालयको जिम्मेवारी दिने तयारी छ ।
जसपाकै दीपक कार्की स्वास्थ्य राज्यमन्त्री हुनुहुनेछ । उहाँहरुले आज शपथ ग्रहण गर्ने भनिए पनि समय निश्चित भइसकेको छैन । यसअघि नै नेकपा एमाले, माओवादी केन्द्र, राष्ट्रिय स्वतन्त्र पार्टी (रास्वपा) र एकीकृत समाजवादी सरकारमा सहभागी भइसकेका छन् ।
जसपालाई पनि समेटेपछि प्रधानमन्त्री प्रचण्डले संसदबाट यही ३० गते विश्वासको मत लिने तयारी गर्नुभएको छ ।
