नेपालगन्ज : चारजना स्वास्थ्यकर्मी अभिनित गायक टंक तिमिल्सिनाको ‘ राम साइली ’ गीतको म्युजिक भिडियो सार्वजनिक भएको छ ।
चर्चित गायक टंक तिमिल्सिना र गायिका मेलिना राईको आवाजमा रहेको उक्त गीतका शब्द मणि रत्न र प्रभा बर्तौलाले लेख्नु भएको हो । संगीत गायक तिमिल्सिनाले भर्नु भएको छ ।
म्युजिक भिडियोमा दिपक ढकाल, दिनेश नेपाली , मौनता अर्याल र लक्ष्मि विक फिचर्ड छन् । उहाँहरु चारै जना स्वास्थ्यकर्मी हुनुहुन्छ । दिपक प्रयोगशालाकर्मी हुनुहुन्छ दिनेश नेपालगन्ज स्थित भेरी अस्पतालका फार्मेसी सुपरभाइजर हुनुहुन्छ । यस्तै भिडियोमा फिचर्ड मौनता र लक्ष्मि नसिङ पेशामा आबद्ध रहनुभएको छ ।
मौसम हिमालीको निर्देशनमा बनेको भिडियोलाई पवन सुसलिङ्ले छायाँकन गर्नुभएको हो । आफु अभिनित पहिलो गीत ‘राम साइली ’ सार्वजनिक भएपछि मोडल दिनेश नेपालीले म्युजिक भिडियोलाई माया गरिदिन र प्रतिक्रिया दिन सबैलाई आग्रह गर्नु भएको छ ।
पेशागत हिसाबले स्वास्थ्यकर्मी भएपनि अभिनयको पाटोलाई पनि सँगै लैजाने भिडियोमा फिचर्ड कलाकारहरुको भनाइ छ। मोडल ढकालले भने यसअघि पनि आधा दर्जन बढी म्युजिक भिडियो र चलचित्रमा समेत अभिनय गरिसक्नु भएको छ । बिहीबार सार्वजनिक भएको म्युजिक भिडियोलाई दर्शक ,स्रोताले मन पराइरहेका छन् ।
गायक टंक तिमिल्सिनाको आफ्नै युटुब च्यानल मार्फत सार्वजनिक भएको भिडियोलाई यो समाचार तयार पार्दा सम्म १९ घण्टामा करिब ४७ हजार बढीले हेरिसकेका छन् ।
हेर्नुहोस् भिडियो
