नेपालगन्जः बाँकेको राप्तीसोनारी गाउँपालिका १ लौकीमा जेष्ठ नागरिक तथा महिला स्वास्थ्य सम्बन्धी एक दिने निशुल्क विशेषज्ञ स्वास्थ्य शिविर गरिएको छ । राप्ती सोनारी गाउँपालिकाको आयोजना तथा नेपालगन्ज मेडिकल कलेज कोहलपुरमा प्राविधिक सहयोगमा गरिएको शिविरमा ८७ जनाले सेवा लिएको स्वास्थ्य शाखा प्रमुख देवेन्द्र केसीले जानकारी दिनुभयो ।

जसमध्ये दुई जना बिरामीहरुको शंकास्पद पाठेघरको क्यान्सरको प्याप स्मेर जाँचका लागि स्याम्पल लगिएको छ । १२ जना महिलाहरुको पाठेघर झर्ने समस्या देखिएकोले शल्यक्रियाका लागि मेडिकल कलेज कोहलपुर प्रेषण गरिएको छ । यस्तै ४९ जना शंकास्पद अन्य रोगीहरुको विभिन्न प्रयोगशाला सम्बन्धि विभिन्न जांँच गरि सम्बन्धित स्थानमा तत्कालै परिक्षण प्रतिबेदन उपलब्ध गराएको पनि प्रमुख केसीले बताउनुभयो ।

शिक्षण अस्पताल कोहलपुरका एशोसिएसन सोसियट प्रोफेसर स्त्री रोग विशेषज्ञ, डा कबिता सिन्हा पाण्डे, रेसिडेन्ट डा. दिव्या ढुंगाना, इन्टर्न डा. रजनी जैसवाल, ल्याब तेक्नोलोजिस्ट जयवंत लाल मसिह, ल्याब इन्चार्ज रमेश जि.सि., पालिकाका स्वास्थ्य शाखा प्रमुख केसी लगायतको लगायतको टोलि शिविरमा खटिएको थियो ।