काठमाडौं: नक्कली शैक्षिक प्रमाणपत्र प्रकरणमा पक्राउ परेका सुनील शर्मालाई सरकारी वकिलको कार्यालयमा उपस्थित गराईएको छ । सांसद शर्मालाई म्याद थपका लागि प्रकिया सुरु भएको छ ।
अहिले उनलाई सरकारी वकिल कार्यालय लगिएको छ । सरकारी वकिल कार्यालयमा लगेपश्चात उनलाई म्याद थपका लागि जिल्ला अदालत लगिनेछ । शर्मालाई बिहीबार सीआईबीले नक्कली शैक्षिक प्रमाणपत्र प्रकरणमा पक्राउ गरेको थियो । शर्मा नेपाली कांग्रेसका सांसद हुन् ।
उनीसहित पक्राउ परेका अन्य सबैलाई म्याद थपका लागि सरकारी वकिलको कार्यालय लगिएको छ ।
