बाजुराः बाजुराको स्वामिकार्तिक खापर गाउँपालिका १ मुक्तिकोट गाउँका १७ जना कुपोषति आमा र बच्चालाइ सहयोग गरिएको छ । नगद रकम र बच्चालाइ लुगा सहयोग गरिएको गाउँपालिका अध्यक्ष भरत बहादुर रोकायाले वताउनुभयो ।
एनआरएन युकेले १ लाख ५७ हजार, हङकङबाट निलु अन्छाम्बु लिम्बु बाट १० हजार, भैरहवाबाट राजु घिमिरे र संगिता घिमिरिले १५ हजार सहयोग गर्नुभएको हो । त्यस्तै आशिर्मा गौतम र आर्शिवाद गौतमले १७ जना आमाका १९ जना बच्चालाई लुगाकपडा सहयोग गर्नुभएको छ ।
रेली बिकको परिवारलाई ५३ हजार, १४ जना आमालाई ७ हजार ३ सयका दरले र दुइ जना आमालाई ८ हजार ३ सय नगद सहयोग गरेको गाउँपालिकाले जनाएको छ । उहाँ कुपोषणको कहरमा रहेको जानकारी पाएपछि एनआरएन युकेले सहयोग गरेको उपाध्यक्ष शकुन्तला गुरुङ्गले बताउनुभयो ।
एनआरएन युकेले कार्यक्रममा लाग्ने खाजा खर्च तथा खादा मालाको खर्च बचाएर अन्तर्राष्ट्रिय नारी दिवसका अवसरमा विकट बाजुराका दुर्गम गाउँका कुपोषित आमा र बच्चालाइ सहयोग गरेको अध्यक्ष सुनिलबाबु खडकाले वताउनुभयो ।
