नेपालगन्ज: नेपालगन्ज उपमहानगरपालिका-२० स्थित श्री जय जनता माबि थपुवामा आज एक दिने नि:शुल्क प्राथमिक स्वास्थ्य उपचार शिविरको आयोजना गरिएको छ ।
छाना कृषि सहकारी संस्था लिमिटेडको आयोजना तथा लाइफलाइन जनरल हस्पिटल, हस्पिटल लाइन नेपालगन्ज सहयोगमा आयोजना गरिएको शिविरमा झन्डै दुई सय नागरिकले सेवा लिएका छन् ।
शिविरमा सुगर जांँच र मुटुका बिरामीको ईसिजी सेवा नि:शुल्क प्रदान गरिएको थियो । त्यसैगरी बिरामीलाई औषधि पनि नि:शुल्क प्रदान गरिएको छ ।
फिजिसियन डा. पारस श्रेष्ठ र डा. क्रिस्टिना श्रेष्ठको टिमले बिरामीको स्वास्थ्य चेकजाँच गरेको थियो । `शिविरमा १ सय ९६ जनाले प्रत्येक्ष सेवा लिनुभयो डा.श्रेष्ठले भन्नुभयो-`उपचारको पहुँचमा नभएका नागरिकलाई घरदैलोमा गरिएको शिविरले ठूलो राहत दियो ।´
