नेपालगन्जः नेपाल रेडक्रस सोसाइटीले भोगचलन गर्दै आएको ‘सेतो घर’ भत्काइएको छ । भेरी अस्पताल सौन्दर्यीकरण अभियान तथा बृहत्तर गुरुयोजना कार्यान्वयन अन्तर्गत आज नेपाल रेडक्रस सोसाइटीले भोगचलन गर्दै आएको ‘सेतो घर’ डोजर लगाएर भत्काइएको अस्पतालले जनाएको छ।
रक्तसञ्चार सेवा संचालन हुँदै आएको रातो भवनलाई भने यथावत राखिने पनि अस्पतालले जनाएको छ । ब्लड बैंकको निम्ति अस्पताल परिसरमै छुट्टै भवन निर्माणको लागि बजेट बिनियोजन भइ टेन्डर समेत भैसकेको छ ।
उक्त कार्यमा सहयोग पुर्याउने सबैप्रति अस्पतालले धन्यवाद दिएको छ । अस्पतालले भनेको छ- ‘यस कार्यमा सहयोग गर्नुहुने उक्त स्थानबाट बिस्थापित व्यवसायी, नेपाल रेडक्रस सोसाइटी, कानुन व्यवसायी, नागरिक समाज, पत्रकार र भेरी अस्पतालका सबै शुभेच्छुकहरूमा अस्पतालले धन्यवाद छ ।’
