नेपालगन्जः नेपालगन्जका दुई वटा औषधि पसलमा चोरी भएको छ । गणेशमान चौकस्थित गणेशमान चोक ड्रग स्टोर र सागर क्लिनिकमा चोरी भएको हो ।
शनिवार राती एक बजेतिर औषधि पसलको सटर फोडेर चोरले दुई पसलबाट करिव चार लाख रुपैयाँ चोरी गरेको जिल्ला प्रहरी कार्यालय बाँकेका डिएसपी रामबहादुर घर्तिले जानकारी दिनुभयो । गणेशमान चोक ड्रग स्टोरबाट ३ लाख ५० हजार र सागर क्लिनिकमा ३५ हजार चोरी भएको हो ।
सिसिटिभीमा कैद भएको चोर !
गणेशमान चोक ड्रग स्टोरका संचालक लोकनाथ पोख्रेलले चोरले मध्यराती औषधि पसलको सटर फोडेर चोरी गरेको बताउनुभयो । चोरले औषधि भने नचलाएको औषधि पसलका संचालकहरुले बताएका छन् ।
विश्वकर्मा पूजाका लागि एकाविहानै फार्मेसी पुग्दा सटर फुटाएको पाइएपछि प्रहरीलाई खवर गरेको सागर क्लिनिकका संचालक जितेन्द्र ठकुरीले बताउनुभयो ।
गणेशमान चोकमा प्रहरीको वीट छ । चोरी भएका औषधि पसल वीट नजिकैको दूरीमा छन् । प्रहरीले चोरी गर्नेहरुको खोजी कार्य जारी राखेको जनाएको छ ।
