नेपालगन्जः लुम्बिनी प्रदेशकी स्वास्थ्य राज्यमन्त्री बिमला वली अस्पतालबाट डिस्चार्ज हुनुभएको छ ।
मंगलबार राति करिब १ बजे बेहोस अवस्थामा लुम्बिनी प्रादेशिक अस्पतालमा भर्ना हुनुभएका वली बिहीबार ११ बजे डिस्चार्ज हुनुभएको हो ।
दाङबाट बुटवलमा आएकी उहाँलाई अस्पतालमा भर्ना गरिएको र अवस्था स्थिर रहेकोले डिस्चार्ज गरिएको अस्पतालका मेसु डा। इन्द्र ढकालले जानकारी दिनुभयो ।
पछिल्लो समय स्वास्थ्य अवस्था स्थिर रहेकोले आराम र औषधी सेवन गर्ने गरी डिस्चार्ज गरिएको उहाँले जानकारी दिनुभयो । उहाँ अस्पतालबाट बुटवलस्थित निवासमा गएको उहाँ निकट स्रोतले जनाएको छ।
मंगलबार बिहान दाङस्थित एकराज बस्नेतको घरमा उनकी श्रीमती र छोरीमाथि कुटपिट गरेको आरोपमा राज्यमन्त्री वलीलाई प्रहरीले नियन्त्रणमा लिएको थियो । यो घटना छानबिनका लागि लुम्बिनी प्रदेश सरकारले समिति नै गठन गरेको छ ।
