नेपालगन्जः सरकारले एक वर्षभित्र एक सय बाहेक सबै स्थानीय तहमा आधारभूत अस्पताल निर्माण गर्ने घोषणा गरेको छ ।
बजेट वक्तव्यमार्फत सरकारले आगामी आर्थिक वर्षमा ६ सय ५५ आधारभूत अस्पताल निर्माण सम्पन्न गर्ने घोषणा गरेको हो ।
अर्थमन्त्री जनार्दन शर्माले देशभरका पुराना अस्पताल र जीर्ण भवनहरुलाई विस्थापित गरी नयाँ भवन बनाउने बताउनुभयो । उहाँले केन्द्रीय र प्रादेशिक अस्पतालमा २० वटा जेष्ठ नागरिक वार्ड बनाउने बताउनुभयो ।
मिर्गौला प्रत्यारोपण गरेका र क्यान्सरका रोगीका लागि औषधि उपचार खर्च भनी मासिक ५ हजार खर्च छुट्टयाएको बताउनुभयो ।
पाठेघरको मुखको क्यान्सरविरुद्ध खोप अभियान चलाउने पनि मन्त्री शर्माले घोषणा गर्नुभएको छ ।
