नेपालगन्जः नेकपा एमालेका अध्यक्ष केपी शर्मा ओलीले डा आरजु राणालाई लक्षित गरेर प्रधानमन्त्री शेरबहादुर देउवामाथि घोचपेच गर्नुभएको छ ।
संघीय संसद् भवन नयाँ बानेश्वरमा जारी प्रतिनिधिसभा बैठकमा सरकारले पेश गरेको वार्षिक नीति तथा कार्यक्रममाथि माग लिँदै उनले प्रधानमन्त्री देउवामाथि घोचपेच गर्नुभएको हो ।
‘संयोगकै कुरा हो डडेल्धुरामा मेडिकल कलेज जाने भएछ। अमरगढीमा कांग्रेसले जित्या छ कि छैन ?
अमरगढी जितेको भए त ठिकै छ। कुन कुनामा लगेर राख्नुपर्ने हो जित्या छैन भने,’ ओलीले भन्नुभयो–‘सम्माननीय प्रधानमन्त्रीको आफ्नै वडामा केही जाने भएन किन भने रुखले जितेन कि क्या हो ? लोकतन्त्रको हरिविजोग यो भन्दा के हुन्छ ?’
