नेपालगन्जः स्वास्थ्य कार्यालय बर्दियाका प्रमुख गोर्कण गिरीलाई प्रवल जनसेवा श्री पदकबाट विभूषित गरिएको छ ।

राष्ट्रपति कार्यालयमा आज आयोजित विशेष समारोहमा राष्ट्रपति विद्यादेवी भण्डारीले प्रमुख गिरीलाई उक्त पदकबाट विभूषित गर्नुभएको हो ।

गएको असोज ३ गते संबिधान दिवसको अवसरमा पदकको घोषणा गरिएपनि वितरण भने नयाँ वर्ष बैशाख १ गते गरिएको हो ।

बाँकेको कोहलपुर नगरपालिका ११ निवासी गिरीले बर्दियामा रहेर स्वास्थ्यका क्षेत्रमा महत्वपूर्ण योगदान दिनुभएको छ ।

कोरोना महामारीका कारण गएको वर्ष उहाँकी धर्मपत्निको निधन भएको थियो । स्वास्थ्यकर्मी समेत रहनुभएकी उहाँकी धर्मपत्नीको निधनलगत्तै गिरी आफै खटिएर कोरोना महामारी, रोकथाम र व्यवस्थापनमा महत्वपूर्ण भूमिका निर्वाह गर्नुभएको थियो ।