नेपालगन्जः बाँकेमा कोरोना भाइरस संक्रमणबाट थप एकजनाको मृत्यु भएको छ ।
भेरी अस्पताल नेपालगन्जमा उपचारका क्रममा गुलरिया नगरपालिका–८ बर्दियाका २७ वर्षीय युवाको मृत्यु भएको जिल्ला कोभिड–१९ व्यवस्थापन केन्द्रका फोकलपर्सन तेज वलीले जानकारी दिनुभयो । उनलाई माघ २८ गते कोरोना भाइरस संक्रमण पुष्टि भएको थियो ।
त्यसपछि उनी घरमै आइसोलेसन बसेका थिए । अवस्था जटिल बन्दै गएपछि फागुन ७ गते भेरी अस्पतालको कोभिड वार्डमा भर्ना भएका उनको गएराती मृत्यु भएको हो । उनले कोरोना विरुद्धको पहिलो डोज खोप लगाएका थिए ।
योसँगै उपचारका लागि बाँके आएका बाहिरी जिल्लाका मृत्यु हुनेको संख्या ४४८ पुगेको छ ।
