नेपालगन्जः कैलालीमा आज दुई जना कोरोना संक्रमितको मृत्यु भएको छ । धनगढीको सेती प्रादेशिक अस्पतालमा दुई जना कोरोना संक्रमितको मृत्यु भएको हो ।
मृत्यु हुनेमा एकजना कैलाली र एक जना कञ्चनपुरका रहेका छन् । सेतीमा उपचाररत गोदावरी नगरपालिका–४ का ८२ वर्षीय पुरुष र पुनर्वास नगरपालिका– ७ का ८० वर्षी पुरुषको मृत्यु भएको अस्पतालका सूचना अधिकारी दिलिप कुमार श्रेष्ठले जानकारी दिनुभयो ।
