नेपालगन्जः बाँकेमा थप १८ जनामा कोरोना भाइरस संक्रमण पुष्टि भएको छ । पीसीआर परीक्षणबाट १६ र एन्टिजेन परीक्षणबाट २ गरी १८ जनामा भाइरस संक्रमण पुष्टि भएको जिल्ला कोभिड–१९ व्यवस्थापन केन्द्रका फोकल पर्सन तेज वलीले जानकारी दिनुभयो ।
भेरी अस्पतालको पीसीआर ल्यावमा ३, कोहलपुर मेडिकल कलेजमा १२ र बागेश्वरी ल्यावमा १ जनामा कोभिड संक्रमण पुष्टि भएको हो । यी तीन अस्पतालमा ७७ जनाको नमुना जाँच भएको थियो ।
यस्तै भारतबाट फर्किने १६३ जनाको एन्टिजेन परीक्षण गरिएकोमा २ जनामा भाइरस संक्रमण पुष्टि भएको छ ।
संक्रमण पुष्टि भएकामध्ये बाँके जिल्लाका ७ जना छन् । योसँगै जिल्लामा कुल संक्रमितको संख्या १९ हजार ९०३ पुगेको छ ।
यस्तै थप १९ जना डिस्चार्ज भएका छन् । योसँगै जिल्लामा डिस्चार्ज हुनेको संख्या १९ हजार ४८७ पुगेको छ ।
