काठमाडौं: अमेरिकाले अफगानिस्तानलाई कोरोना सम्बन्धी सामग्रीहरू उपलब्ध गराउने भएको छ ।
कोभिड संक्रमणसँग लड्न १० लाख डोज खोप उपलब्ध गराउने निर्णय भएको अधिकारीहरूले जानकारी दिएका छन् । उपलब्ध गराउन लागिएको खोप मध्ये आठ लाख ४० हजार खोप जोन्सन एण्ड जोन्सन खोप रहेको अमेरिकी विदेश मन्त्री एन्टोनी ब्लिन्केनले बताउँनुभयो ।
मानवीय नाताले कोभ्याक्समार्फत खोप उपलब्ध गराउन लागेको उहाँले जानकारी दिनुभयो ।
अफगानिस्तानलाई ३० करोड ८० लाख अमेरिकी डलर बराबरको विभिन्न सहयोग गर्ने घोषणा अमेरिकाले यसअघि नै गरेको थियो ।
