नेपालगन्जः संस्कृति, पर्यटन तथा नागरिक उड्डयन मन्त्री प्रेमबहादुर आलेलाई कोरोना संक्रमण भएको छ।
आज बिहान एन्टिजेन्ट परीक्षण गर्दा उहाँलाई कोरोना संक्रमण देखिएको हो।
‘रूघाखोकी र पखला लागेपछि एन्टिजेन्ट परीक्षण गरेको थिएँ, पोजेटिभ रिपोर्ट आयो,’ मन्त्री आलेले भन्नुभयो–‘पिसीआरका लागि स्वाब दिएको छु, बेलुकीसम्म रिपोर्ट आउला।’
आफूलाई ज्वरो पनि आइरहेकोले निवासमा आराम गरिरहेको मन्त्री आलेले जानकारी दिनुभयो ।
‘काम धेरै थियो, बिरामी परेर बर्वाद भयो उहाँले भन्नुभयो–‘आशा छ भरैको रिपोर्ट नेगेटिभ आउला।’
मन्त्री आले पछिल्लो समय अनुगमनलगात काममा व्यस्त हुनुहुन्थ्यो ।
