नेपालगन्ज: बाँकेमा पछिल्लो २४ घण्टामा एक हजार १० जनाले कोरोना भाइरस विरुद्धको पहिलो मात्रा खोप लगाएका छन् । स्वास्थ्य कार्यालय बाँकेका खोप सुपरभाइजर नरेशबाबु श्रेष्ठका अनुसार सोही अवधिमा २१३ जनाले खोपको पूर्ण मात्रा लगाएका छन् ।
आजबाट सुरु भएको बुस्टर डोज अभियान अन्र्तगत पहिलो दिन अग्रपंक्तिमा खटिनेहरू २१० जनाले बुस्टर डोज लगाएका छन् ।
बाँकेमा आजसम्म पहिलो डोज लगाउनेहरुको कुल संख्या ३ लाख २२ हजार २४१ पुगेको छ । त्यस्तै दोस्रो डोज लगाउनेहरुको संख्या २ लाख १९ हजार ५६९ पुगेको स्वास्थ्य कार्यालय बाँकेको तथ्यांकमा उल्लेख छ ।
