काठमाडौं: प्रतिनिधिसभाको बैठक माघ १६ गतेसम्मका लागि स्थगित भएको छ । कोरोनाको संक्रमण बढेको भन्दै यसअघि माघ ३ गते सोमबार अर्थात भोलि दिउँसो १ बजे बस्ने भनिएको बैठक स्थगित गरिएको हो ।
संसद्का महासचिव भरतराज गौतमले आइतबार एक सूचना जारी गर्दै सोमबार दिउँसो १ बजेका लागि आह्वान गरिएको बैठक स्थगित गरिएको जानकारी दिनुभएको हो ।
सभामुख अग्निप्रसाद सापकोटाले अर्को बैठक माघ १६ गते आइतबार दिनको १ बजेका लागि निर्धारण गरेको पनि सूचनामा उल्लेख छ ।
