नेपालगन्जः कोरोना भाइरस संक्रमणबाट नेपालगन्ज मेडिकल कलेज नेपालगन्जमा थप दुई जना महिलाको मृत्यु भएको छ । मृत्यु भएका मध्ये एकजना बाँके खजुराकी हुन भने अर्की दाङ बबईकी हुन् ।
खजुरा गाउँपालिका-८ की ५२ वर्षीया महिला स्वास्थ्यमा समस्या भएपछि हिंजो मध्यान्ह अस्पताल भर्ना भएकी थिइन् । उपचारका क्रममा उनको हिंजै मृत्यु भएको थियो । तर पीसीआर रिपोर्ट आज पोजेटिभ आयो ।
योसँगै बाँकेमा भाइरस संक्रमणबाट मृत्यु हुनेको संख्या ८६ पुगेको छ । यस्तै स्वास्थ्यमा समस्या आएपछि आज दिउँसो अस्पताल भर्ना भएकी बबई गाउँपालिका-४ दाङकी ३९ वर्षीया महिलाको पनि मृत्यु भएको छ ।
उनको पनि पीसीआर रिपोर्ट पोजेटिभ आएको बाँकेका कोरोना फोकलपर्सन तेज वलीले जानकारी दिनुभयो । योसँगै उपचारका लागि बाहिरि जिल्लाबाट आएका १ सय ४ जना संक्रमितको मृत्यु भएको छ।
