नेपालगन्जः कोरोनाबाट बाँकेमा थप एकजनाको मृत्यु भएको छ । नेपालगन्ज उपमहानगरपालिका-१ की ६५ बर्षीया महिलाको उचपारका क्रममा आज मृत्यु भएको जिल्ला कोभिड १९ संकट व्यवस्थापन केन्द्र बाँकेका फोकल पर्सन तेज बलीले जानकारी दिनुभयो ।
स्वास्थ्यमा समस्या देखिएपछि गएको ७ गते उनी नेपालगन्ज मेडिकल कलेज शिक्षण अस्पताल नेपालगन्जमा भर्ना भएकी थिइन् । त्यसैदिन उनको कोरोना परीक्षणका लागि स्वाव लिइएको थियो । भोलि पल्ट रिपोर्ट पोजेटिभ आयो ।
उनको उपचारका क्रममा आज मृत्यु भएको हो । यसअघि आज बिहान मात्रै नेपालगन्ज उपमहानगरपालिका-१७ की ८६ बर्षीया महिलाको पनि भाइरस संक्रमणबाट मृत्यु भएको थियो ।
योसँगै बाँकेमा कोरोनाबाट मृत्यु हुनेको संख्या ६८ पुगेको छ ।
