नेपालगन्जः बाँकेमा एक महिनाको अवधिमा ६२ जना बालबालिका कोरोना संक्रमणको चपेटामा परेका छन् । पछिल्लो एक महिनामा ६ सय १७ जना संक्रमित भएकामध्ये बालबालिकाको संख्यामात्रै ६२ रहेको छ ।
गएको चैत एक गतेदेखि बैशाख चार गतेसम्मको ३० बालिका र ३२ बालकमा कोरोना संक्रमण पुष्टि भएको जिल्ला कोभिड-१९ संकट व्यवस्थापन केन्द्रका फोकलपर्सन तेज वलीले स्वास्थ्य पेजलाई जानकारी दिनुभयो ।
त्यसमा ९ बर्षसम्मका ३ बालिका र ७ बालक रहेका छन् । यस्तै १० बर्षदेखि १९ बर्षसम्मका २७ बालिका र २५ बालक रहेको फोकलपर्सन वलीले बताउनुभयो । बालबालिकामा संक्रमण द्रूतगतिमा फैलिरहेकाले सचेतना अपनाउन उहाँले अभिभावकहरुलाई आग्रह गर्नुभएको छ ।
