काठमाडौं: राष्ट्रपति विद्यादेवी भण्डारीले पनि कोभिड विरुद्धको खोप लगाउनु हुने भएको छ। राष्ट्रपति भण्डारीले त्रिवि शिक्षण अस्पतालमा रहेको खोप केन्द्रमा खोप लगाउने कार्यमक्रम रहेको छ।

फागुन २३ गते प्रधानमन्त्री केपी शर्मा ओलीले खोप लगाएपछि दोस्रो प्राथमिकतामा परेकाको खोप अभियान सुरु भएको थियो।

खोप लगाउन राष्ट्रपति भण्डारी अपरान्ह ४ बजे त्रिवि शिक्षण अस्पतालमा पुग्ने कार्यक्रम तय भएको स्वास्थ्य तथा जनसंख्या मन्त्रालयले जनाएको छ।
यो अभियान अन्तरगत ६५ वर्षमाथिका नागरिकलाई खोप लगाइएको छ। नेपालमा हालसम्म १५ लाखभन्दा बढीले कोरोना खोप लगाएका छन्।