सिमकोटः जुम्लाका विकट बस्ती बस्तीमा गाउँघर क्लिनिक सञ्चालन गर्दा सेवाग्राहीको आर्कषण बढ्दै गएको छ। घर आगनमा आयुर्वेद शाखाद्वारा क्लिनिक निशुल्क रुपमा सञ्चालन गर्दा उपचार गर्ने सेवाग्राहीहरु बढेका हुन्।
सिमकोट गाउँपालिका वडा नम्बर ८ को स्याँडा गाउँका जगते बुढाले घरमै आयुर्वेद पद्धतिबाट उपचार गर्न पाएकोमा खुशी व्यक्त गर्नुभयो । घर आगनमै उपचार भएपछि बालबालिका, बृद्धबृद्धा र अपांगता भएका नागरिकलाई सहज भएको हो।
सिमकोट गाउँपालिका वडा नम्बर ७ र ८ का पाँच वटा बस्तीमा सोमबारसम्म सञ्चालन भएको गाउँघर क्लिनिकमा ११८२ जनाको निशुल्क रुपमा उपचार भएको स्वास्थ्य सेवा कार्यालय अन्तर्गत आयुर्वेद शाखाका प्रमुख कृष्ण चन्द्र जैसीले बताउनुभयो ।
