नेपालगन्जः नेपालमा कोरोना भाइरस संक्रमितको संख्या झन्डै दोब्बरले बढेको छ । सोमबार थप २ हजार २ सय ९५ जनामा कोरोना पुष्टि भएको छ । यो आतवारको तुलनामा झन्डै दोब्बर हो ।

आइतवार १ हजार ३ सय ८८ जनामा कोरोना संक्रमण पुष्टि भएको थियो । सोमवार देशभर गरिएको ११ हजार ८ सय ९२ पिसिआर परिक्षणका क्रममा १ हजार ९ सय २ र ४ हजार ३ सय ४१ एन्टीजेन परिक्षणका क्रममा ३९३ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।

यो संगै नेपालमा कोरोना संक्रमतिको संख्या ८ लाख ४४ हजार ४ सय ८८ पुगेको छ । त्यस्तै कोरोनाका कारण थप १६ जनाको मृत्यु भएको छ । हालसम्म नेपालमा १० हजार ७ सय ३० जनाको कोरोनाका कारण मृत्यु भएको छ ।

त्यस्तै थप १ हजार ८ सय ८ संक्रमित कोरोनामुक्त हुँदा हालसम्म नेपालमा ७ लाख १४ हजार ५२० संक्रमित कोरोनामुक्त भएका छन् । हाल नेपालमा ३५ लाख ८ सय ७४ सक्रिय संक्रमित आइशोलेशन र ३३८ जना क्वारेन्टाइनमा छन् ।

त्यस्तै हालसम्म ३९ लाख ६ हजार २९ वटा पिसिआर र ४ लाख ६५ हजार ८४० वटा एन्टीजेन परिक्षण गरिएको मन्त्रालयले जनाएको छ ।