काठमाडौंः प्रधानमन्त्री शेरबहादुर देउवाले चिकित्सा शिक्षा सुधारका अभियान्ता डा गोविन्द केसीलाई छलफलका लागि बोलाउनुभएको छ।
प्रधानमन्त्री निवास बालुवाटारमा बेलुका ५ बजे छलफलका लागि बोलाएको डा केसी अलायन्सका प्रतिम सुवेदीले जानकारी दिनुभयो।
डा केसीले ५ बुँदे माग राख्नुभएको छ । उहाँले आफ्ना ५ बुँदे माग पुरा नभए ३ गतेबाट अनसन बस्ने चेतावनी दिनुभएको छ ।
डा केसीले दिएको अल्टिमेटमको समय सकिन दुई दिन बाँकी रहेको समयमा प्रधानमन्त्री देउवाले छलफलका लागि बोलाउनुभएको छ ।
सुवेदीका अनुसार छलफलका लागि डा केसीसहितको टिम बालुवाटार जानुभएको छ ।
