धनगढीः धनगढीको सेती प्रादेशिक अस्पतालमा उपचाररत दुईजना कोरोना संक्रमितको मृत्यु भएको छ ।

प्रादेशिक अस्पतालको कोभिड अस्थायी अस्पतालमा उपचाररत डोटीको शिखर नगरपालिका–३ की ६५ वर्षीया महिला र दिपायल सिलगढी नगरपालिका–१ का ३३ बर्षीय पुरुषको मृत्यु भएको अस्पतालले जनाएको छ ।

अस्पतालका सूचना अधिकारी दिलीपकुमार श्रेष्ठले मृतक महिला साउन १७ गते अस्पताल भर्ना भएकी थिइन् । उनको आईसीयूमा राखेर उपचार भइरहेको थियो भने अर्का मृतकको साउन २१ गतेदेखि भेन्टिलेटरमा उपचार भइरहेको थियो ।

हाल कोभिड अस्थायी अस्पतालमा २९ जना संक्रमितको उपचार भइरहेको छ । उनीहरुमध्ये सातजनाको आईसीयू र दुई जनाको भेन्टिलेटरमा उपचार भइरहेको अस्पतालले जनाएको छ ।