जापानः जापान सरकारले कोरोना विरुद्ध लगाएका सबैलाई जापान प्रवेश खुल्ला गर्ने तयारी गरेको छ । जापानको निजी संचार सस्था निक्केइले जनाएअनुसार प्रवेश प्रतिबन्ध लागेका मुलुकबाट पनि कोरोनाविरुद्धको खोप लगाएका सबैलाई प्रवेश दिने तयारी भएको हो ।

समाचार अनुसार जापान र अमेरिका कोरोनाविरुद्ध खोप लगाएकाहरुलाई प्रवेश खुल्ला गर्न तयार भएका छन् । तर जापानले भने हाल लागु गरिएको १४ दिन क्वारेनटाइनको नियमलाई निरन्तरता दिनुपर्ने उल्लेख गरेको छ ।

जापान प्रवेशपछि स्वास्थ्य तथा श्रम मन्त्रालय, कानून मन्त्रालय अन्तर्गतको अध्यागमन विभाग र विदेश मन्त्रालयले आवश्यक व्यवस्थापन गर्नेछन् । अमेरिकाले भने चीन, बेलायत र ब्राजिल लगाएतका देशमाबाट तत्कालै प्रवेश खुल्ला नगर्ने बताइएको छ ।

उता बेलायतले भने जापानसहित २० देशका नागरिकलाइ कोरोना नेगेटिभ देखिएको प्रमाणपत्र भए पनि प्रवेश दिने निर्णय गरेको छ । अमेरिकामा कोरोना खोपको पूर्ण डोज लगाएकाहरुलाई पनि कोरोना संक्रमण देखिएको भन्दै जापानले पूर्ण डोज खोप लगाए पनि कोरोना नियन्त्रणका लागि अपनाइएका विधिहरुलाई निरन्तरता दिनु पर्ने तर्क राख्दै आएको छ ।

जापानमा कोरोना संक्रमणको दर अहिले पनि उच्च बिन्दुमा पुगेको छ । केही अघि देशभरका मेयरहरुको बैठकमा कतिपयले लक डाउन प्रस्ताब राखेका थिए । तर अमेरिकासहित युरोपियन देश र जापानसमेत पूर्ण डोज खोप लगाएकाहरुलाई प्रवेश खुल्ला गर्ने तयारीमा लागेका छन् ।

यो निर्णयसँगै नेपालबाट अध्ययनका लागि जापान जान भिसा लगाएर बसेका र प्रक्रियामा रहेका विद्यार्थीहरुलाई जापान जानका लागि सहज हुने भएको छ ।