नेपालगन्ज: बाँकेका प्रयोगशालामा शनिबार थप २१ जनामा कोरोना भाइरस संक्रमण पुष्टि भएको छ । तीनवटा पीसीआर प्रयोगशालामा १५८ नमुना परीक्षण गर्दा उनिहरुमा संक्रमण पुष्टि भएको हो ।
भेरी अस्पतालको प्रयोगशालामा ७६ नमुना परीक्षण गर्दा १३ जना, मेडिकल कलेज कोहलपुरको प्रयोगशालामा ४४ नमुना परीक्षण गर्दा ७ जना र बागेश्वरी ल्याबमा ३८ नमुना परीक्षण गर्दा १ जना गरि कुल २१ जनामा संक्रमण पुष्टि भएको जिल्ला कोभिड व्यवस्थापन केन्द्रले जानकारी दिएको छ ।
आज थपिएका संक्रमित मध्य बाँकेका ९ जना छन् । हालसम्म जिल्लामा ८९ हजार ५२ नमुनाको पीसीआर परीक्षण सम्पन्न भईसकेको छ ।
पछिल्लो २४ घण्टामा जिल्लामा संक्रमणबाट निको भएर थप १ जना डिस्चार्ज भएका छन् ।
