काठमाडौं: पछिल्लो २४ घण्टामा ३ हजार ११४ जनामा कोरोना भाइरस संक्रमण पुष्टि भएको छ ।
१० हजार ६२५ जनाको पीसीआर परीक्षण गर्दा २ हजार ३०९ जना र ४ हजार २८५ जनाको एन्टिजेन परीक्षण गर्दा ८०५ जना गरी ३ हजार ११४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा २ हजार १९७ जना निको भएका छन् । यो सहित नेपालमा कोरोना संक्रमणमुक्त हुनेहरुको कुल संख्या ६ लाख ४१ हजार ५६५ पुगेको छ ।
संक्रमणकै कारण पछिल्लो २४ घण्टामा देशभर १६ जनाले ज्यान गुमाएका छन् । हालसम्म नेपालमा ९ हजार ६९५ जनाले कोरोना संक्रमणबाट ज्यान गुमाएका छन् ।
