काठमाडौं: चीनबाट खरिद गरिएको भेरोसेल खोप आज नेपाल ल्याइँदैछ । गएराति गएको नेपाल वायु सेवा निगमको जहाज आज आइपुग्ने निगमका महाप्रबन्धक डिमप्रसाद पौडेलले बताउनुभयो।
भेरोसेल लिएर आएको जहाज फेरि खोप लिन आजै बेइजिङ उड्ने छ। निगमले खोप ल्याउनका लागि बुधबार, विहिबार र शनिबारका लागि नयाँ तालिका तय गरेको छ। यसअघि असार २५ गते आठ लाख मात्रा खोप चीनबाट ल्याइएको थियो ।
सरकारले चीन सरकारसँग सरकार–सरकार जिटुजी मार्फत खोप ल्याएको हो । अहिले विभिन्न जिल्लामा चिनबाट ल्याईएको भेरोसेल र अमेरीकाबाट ल्याईएको जोनसेन एण्ड जोनसनको खोप अभियान चलिरहेको छ । लक्षित समुह निर्धारण गरि खोप लगाउने कार्यक्रम भैरहेको हो ।
