नेपालगन्जः बाँकेमा पछिल्लो २४ घण्टामा थप ३५ जनामा कोरोना भाइरस संक्रमण पुष्टि भएको छ । जिल्लाका तीनवटा प्रयोगशालामा १ सय १८ नमुना परीक्षण गरिएकोमा ३५ जनामा भाइरस संक्रमण पुष्टि भएको हो।
भेरीको प्रयोगशालामा ७० नमुना परीक्षण गर्दा २९, मेडिकल कलेजको प्रयोगशालामा २९ नमुना परीक्षण गर्दा १ र बागेश्वरी प्रयोगशालामा १९ नमुना परीक्षण गर्दा ५ जनामा भाइरस संक्रमण पुष्टि भएको जिल्ला कोभिड १९ व्यवस्थापन समितिका फोकलपर्सन तेज वलीले जानकारी दिनुभयो ।
संक्रमण पुष्टि भएकामध्ये बाँकेका ४ जना हुन् भने अरु सबै बाहिरी जिल्लाका हुन् । यस्तै पछिल्लो २४ घण्टामा एकजना डिस्चार्ज भएका छन् ।
