काठमाडौं: शुक्रबार देशभर थप २ हजार ४७६ जनामा कोरोना भाइरस संक्रमण पुष्टि भएको छ । ९ हजार ५८६ जनाको पीसीआर परीक्षण गर्दा १ हजार ७२१ जना र ४ हजार ७६५ जनाको एन्टिजेन विधिबाट गरिएको परीक्षणमा ७५५ जनामा कोभिड पुष्टि भएको हो ।

स्वास्थ्य तथा जनसंख्या मन्त्रालयका अनुसार गएको २४ घण्टामा कोभिड संक्रमणबाट निको भएर ५ हजार ४५५ जना डिस्चार्ज भएका छन् । योसँगै नेपालमा हालसम्म कोभिड संक्रमणबाट निको हुनेहरुको कुल संख्या ५ लाख ७६ हजार ४१३ पुगेको छ ।

हाल संक्रमणबाट निको हुने दर ९१.३ प्रतिशत छ । संक्रमणकै कारण आज थप २७ जना संक्रमितको मृत्यु भएको छ । हालसम्म नेपालमा कोभिड संक्रमणकै कारण ८ हजार ९४५ जनाको मृत्यु भईसकेको छ ।