काठमाडौंः पछिल्लो २४ घण्टामा नेपालमा २,४०१ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ७०१० जनामा भएको पीसीआर परीक्षणमा १६८८ र ४६८६ जनामा गरिएको एन्टिजेन परीक्षणमा ७१३ गरी २,४०१ जनामा संक्रमण पुष्टि भएको हो ।
कोरोना संक्रमणबाट पछिल्लो २४ घण्टामा ३४ जनाको मृत्यु भएको छ । २४ घण्टामा देशभर ३ हजार ६६० जना संक्रमित निको भएका छन्। नेपाल संक्रमित निको हुने दर ८९.३ प्रतिशत रहेको छ।
स्वास्थ्य तथा जनसंख्या मन्त्रालयका अनुसार नेपालमा हालसम्म ५ लाख ५३ हजार ३४२ जना संक्रमित निको भइसकेका छन्।
