काठमाडौं: पछिल्लो २४ घण्टामा ६ हजार ६५३ जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार देशभरका पीसीआर प्रयोगशालामा १४ हजार १८२ नमुना परीक्षण गर्दा ४ हजार ६२४ जना र ६ हजार ६३१ एन्टिजेन परीक्षणमा २ हजार २९ जना गरी कुल ६ हजार ६५३ जनामा संक्रमण पुष्टि भएको हो ।
योसँगै हालसम्म नेपालमा कोरोना भाइरस संक्रमण पुष्टि हुनेहरुको कुल संख्या ५ लाख ८१ हजार ५६० पुगेको छ । पछिल्लो २४ घण्टामा कोरोना भाइरस संक्रमणमुक्त भई ८ हजार ६६३ जना डिस्चार्ज भएका छन् ।
योसँगै हालसम्म कोभिडबाट नेपालमा निको हुनेहरुको संख्या ४ लाख ७६ हजार १३० पुगेको छ । संक्रमणकै कारण नेपालमा थप १०१ जनाको मृत्यु भएको छ । कोभिडका कारण हालसम्म देशभर ७ हजार ७३१ जनाले ज्यान गुमाएका छन् ।
देशभर ९७ हजार ६९९ जना कोभिडका सक्रिय संक्रमित विभिन्न आइसोलेसनमा स्वास्थ्य लाभ गरिरहेका छन् ।
