नेपालगन्जः बर्दियाका कोरोना संक्रमित विरामीलाई थप उपचारका लागि हेलिकप्टरबाट काठमाडौं लगिएको छ ।
बर्दिया बासगडी नगरपालिका-६ बर्दियाका ४५ वर्षीय पुरुषलाई थप उपचारका लागि फिस्टेल एअरको हेलिकप्टरमार्फत् आज काठमाडौं लगिएको स्वास्थ्य कार्यालय बाँकेका जनस्वास्थ्य अधिकृत नरेश श्रेष्ठले जानकारी दिनुभयो ।
कोभिड संक्रमण पुष्टि भएपछि ती संक्रमित नेपालगन्जस्थित युनाइटेड अस्पतालमा भर्ना भएका थिए । समस्या थप क्रिटिकल बन्दै गएपछि उनलाई हेलिकप्टर चार्टर गरेर काठमाडौंको मेडिसिटी अस्पतालमा लगिएको हो ।
संक्रमित ती व्यक्तिको वुवाको भाइरस संक्रमणकै कारण विहीबार नेपालगन्जमा निधन भएको थियो ।
