काठमाडौं: पछिल्लो २४ घण्टामा ४ हजार ३६९ जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार देशभरका पीसीआर प्रयोगशालामा १० हजार ९८६ नमुना परीक्षण गर्दा ३ हजार ७०२ जना र १ हजार ७८४ एन्टिजेन परीक्षणमा ६६७ जना गरी कुल ४ हजार ३६९ जनामा संक्रमण पुष्टि भएको हो ।
पछिल्लो २४ घण्टामा कोरोना भाइरस संक्रमणमुक्त भई ६ हजार २०५ जना डिस्चार्ज भएका छन् । संक्रमणकै कारण नेपालमा थप १०९ जनाको मृत्यु भएको छ ।
देशभर १ लाख ८ हजार ८९७ जना कोभिडका सक्रिय संक्रमित विभिन्न आइसोलेसनमा स्वास्थ्य लाभ गरिरहेका छन् ।
