नेपालगन्ज: प्रधानमन्त्री केपी शर्मा ओलीले स्वास्थ्यकर्मीहरुमाथि भएको आक्रमणलाई ड्युटीमा रहेका सुरक्षाकर्मीमाथि आक्रमण भए सरह दण्डनीय हुने बताउनु भएको छ ।
शुक्रबार देशबासीलाई सम्बोधन गर्दै प्रधानमन्त्री ओलीले कोभिड–१९ संक्रमितहरुको उपचारमा खटिएका सबैको सुरक्षाका लागि सरकार प्रतिवद्ध रहेको समेत बताउनु भयो ।
भेरी अस्पतालमा स्वास्थ्यकर्मीमाथी बिहिवार राती बिरामीका आफन्तले हमला गरेका थिए ।
यस्तै ओलीले पहिलो डोज खोप लगाएका नागरिकलाई दोस्रो डोज जसरी पनि व्यवस्था गर्ने बताउनु भयो ।
उहाँले पहिलो मात्रा खोप लगाएका ज्येष्ठ नागरिकलाई जसरी पनि खोप व्यवस्था गर्ने बताउंदै सबै वयस्क नागरिकलाई खोप व्यवस्था गर्ने पनि उल्लेख गर्नु भयो ।
नेपालमा अनुदानमा ३२ लाख २८ हजार डोज र खरिद गरेर १० लाख डोज खोप ल्याइएको उहाँको भनाइ छ।
