नेपालगन्ज: बाँकेका अस्पतालमा कोरोना भाइरस संक्रमणका कारण थप तीन जनाको मृत्यु भएको छ ।
संक्रमित बिरामीहरुको उपचार भैरहेको नेपालगन्ज स्थित भेरी अस्पतालमा दुईजना र नेपालगन्ज मेडिकल कलेज शिक्षण अस्पताल कोहलपुरमा एकजना गरि थप तीन जनाको मृत्यु भएको जिल्ला कोभिड-१९ संकट व्यवस्थापन केन्द्रका फोकलपर्सज तेज ओलीले जानकारी दिनुभयो।
मृत्यु हुनेहरुमा टिकापुर नगरपालिका-७ कैलालीका ३५ वर्षीय पुरुष, तुलसीपुर उपमहानगरपालिका-१ दाङका ४५ वर्षीया महिला र शारदा नगरपालिका-१ सल्यानका ५० वर्षीय पुरुष हुनुहुन्छ।
योसँगै कोरोना भाइरस संक्रमणका कारण बाँकेमा उपचारका लागि जिल्ला बाहिरबाट आएका २४० जना र जिल्लाकै २७३ जनाको मृत्यु भईसकेको छ।
