काठमाडौं: देशभर कोरोना भाइरस संक्रमण मुक्त भएर शनिबार ८ हजार ८ सय बढी डिस्चार्ज भएका छन्।
स्वास्थ्य तथा जनसंख्या मन्त्रालयका अनुसार गएको २४ घण्टामा देशभरका संस्थागत तथा होम आइसोलेसनमा स्वास्थ्य लाभ गरिरहेका ८८४८ जना निको भएर डिस्चार्ज भएका हन् । योसँगै देशभर हालसम्म कोरोना भाइरस संक्रमण मुक्त हुनेहरुको कुल संख्या ३ लाख ८३ हजार ६८४ पुगेको छ ।
यस्तै पछिल्लो २४ घण्टामा देशभरका पीसीआर प्रयोगशालामा १९ हजार ३५७ नमुना परीक्षण गर्दा ८ हजार ५९१ जना र ७४८ नमुना एन्टिजेन विधिबाट परीक्षण गर्दा ३८९ जना गरि कुल ८ हजार ९८० जनामा कोरोना भाइरस संक्रमण पुष्टि भएको छ ।
योसँगै हालसम्म देशभर कोरोना भाइरस संक्रमण पुष्टि हुनेहरुको कुल संख्या ५ लाख ५ हजार ६४३ पुगेको छ ।कोरोना भाइरस संक्रमणकै कारण देशभर थप १२९ जनाको मृत्यु भएको मन्त्रालयको तथ्यांकमा उल्लेख छ ।
योसँगै हालसम्म कोरोना भाइरस संक्रमणका काारण ज्यान गुमाउनेहरुको कुल संख्या ६ हजार १५३ पुगेको छ ।
