नेपालगन्ज: बाँकेका तीनवटा प्रयोगशालामा गरिएको पीसीआर परीक्षणमा थप ३४२ जनामा कोरोना भाइरस संक्रमण पुष्टि भएको छ ।
जिल्ला कोभिड-१९ संकट व्यवस्थापन केन्द्रका फोकलपर्सन तेज ओलीका अनुसार भेरी अस्पतालको पीसीआर प्रयोगशालामा ३०४ नमुना परीक्षण गर्दा २०८ जना, बागेश्वरी ल्याबमा १८६ जनाको नमुना परीक्षण गर्दा ९६ जनार मेडिकल कलेज कोहलपुरको प्रयोगशालामा ९७ नमुना परीक्षण गर्दा ३८जना गरि कुल ३४२ जनामा संक्रमण पुष्टि भएको हो ।
संक्रमण पुष्टि हुनेहरु मध्य बाँकेका २०६ जना छन् । ७९ जना महिला र १२७ जना पुरुष गरि जिल्लाका कुल २०६ नयाँ संक्रमित थपिएको केन्द्रले जनाएको छ । आज बाँकेमा कोरोना भाइरस संक्रमण मुक्त भएर ३३८ जना डिस्चार्ज भएका छन् ।
१५५ जना महिला र १८३ पुरुष गरि कुल ३३८ जना संक्रमणबाट निको भएका हुन् । गएको २४ घण्टामा संक्रमणका कारण जिल्लामा १७ जनाको मृत्यु भएको छ। संक्रमित बिरामीहरुको उपचार भैरहेका अस्पतालमा बाँकेका १० जना र जिल्ला बाहिरका ७ जना गरि १७ जनाले ज्यान गुमाएका छन् ।
