काठमाडौं: देशभर कोरोना भाइरस संक्रमण मुक्त भएर शुक्रबार ७ हजार ५ सय बढी डिस्चार्ज भएका छन्।
स्वास्थ्य तथा जनसंख्या मन्त्रालयका अनुसार गएको २४ घण्टामा देशभरका संस्थागत तथा होम आइसोलेसनमा स्वास्थ्य लाभ गरिरहेका ७८९० जना निको भएर डिस्चार्ज भएका हन् । योसँगै देशभर हालसम्म कोरोना भाइरस संक्रमण मुक्त हुनेहरुको कुल संख्या ३ लाख ७४ हजार ८३६ पुगेको छ ।
यस्तै पछिल्लो २४ घण्टामा देशभरका पीसीआर प्रयोगशालामा २२ हजार ३५३ नमुना परीक्षण गर्दा ८ हजार ४०७ जना र ८७३ नमुना एन्टिजेन विधिबाट परीक्षण गर्दा २०० जना गरि कुल ८ हजार ६०७ जनामा कोरोना भाइरस संक्रमण पुष्टि भएको छ ।
योसँगै हालसम्म देशभर कोरोना भाइरस संक्रमण पुष्टि हुनेहरुको कुल संख्या ४ लाख ९७ हजार ५२ पुगेको छ ।कोरोना भाइरस संक्रमणकै कारण देशभर थप १७७ जनाको मृत्यु भएको मन्त्रालयको तथ्यांकमा उल्लेख छ । योसँगै हालसम्म कोरोना भाइरस संक्रमणका काारण ज्यान गुमाउनेहरुको कुल संख्या ६ हजार २४ पुगेको छ ।
