टिकापुर: नेपालगन्जमा रहेको फूल गस्पल टेवरनकल चर्चले टिकापुर अस्पताललाई स्वास्थ्य सामग्री सहयोग गरेको छ ।
कोरोना भाइरस संक्रमण रोकथाम र नियन्त्रणका लागि चर्चले अस्पताललाई करिब तीन लाख चालिस हजार बराबरको स्वास्थ्य सामग्री सहयोग गरेको जनाएको हो ।
एफजिटिले १०० पीस पीपीइ, ३००० पीस मास्क, ग्लोब्स २००० पीस, सेनिटाइजर ४०० पीस, ५ वटा पल्स अक्सिमिटर र २ पीस थर्मल गन सहयोग गरेको हो ।
नयाँ भेरियन्ट सहितको कोभिडका बिरामीका लागि अत्यावश्यक भएको स्वास्थ्य सामग्री सहयोग गरेको भन्दै अस्पतालले एफजिटिलाई धन्यवाद व्यक्त गरेको छ ।
