नयाँ दिल्ली: कोरोना भाइरस संक्रमणले थलिएको भारतमा केहि दिनयता कोभिड संक्रमण दर निरन्तर ओरालो झरिरहेका छ । भारतमा संक्रमण नियन्त्रण बाहिर थियो ।
दैनिक ४ लाख सम्म कोभिडका नयाँ बिरामी थपिने गरेका भारतमा अहिले संक्रमण दरमा कमि आएको हो । पछिल्लो २४ घण्टामा भारतमा २ लाख ६७ हजार बढीमा संक्रमण पुष्टि भएको छ ।
योसँगै भारतमा हालसम्म संक्रमण पुष्टि हुनेहरुको संख्या करिब २ करोड ५७ लाख बढी पुगेको छ । गएको २४ घण्टामा यहा ३ हजार ८०० बढीले संक्रमणकै कारण ज्यान गुमाएका छन् ।
संक्रमण दर घटेको भारतमा मृत्युदरमा भने कमी आउन सकेको छैन । हालसम्म २ लाख ८७ हजार बढीको कोरोना भाइरस संक्रमणका कारण मृत्यु भईसकेको भारतीय सञ्चारमाध्यामले जनाएका छन् ।
