सिरहा: सिरहामा कोरोना संक्रमणबाट एकजना चिकित्सकको मृत्यु भएको छ ।

लहान नगरपालिका-६ घर भएका हाडजोर्नी विशेषज्ञ डा मुकेश चौधरीको कोरोना संक्रमणका कारण मृत्यु भएको हो । कोरोना संक्रमण पुष्टि भएपछि ९ दिनदेखि होम आइसोलेसनमा रहेका उनको स्वास्थ्यमा समस्या देखिएपछि थप उपचारको लागि नोबेल अस्पताल भर्ना गरिएको थियो।

बेलुकी उनको मृत्यु भएको लहान नगरपालिकाका स्वास्थ्य शाखा संयोजक रामसुन्दर यादवले जानकारी दिनुभयो । ३५ वर्षीय चौधरी लहानको डाइग्नोस्टिक सेन्टरका संचालक समेत हुन्। उनी सोही सेन्टरमा सेवा दिने क्रममा संक्रमित भएका थिए ।