काठमाडौं २८, असार ।
बलिउड अभिनेता अभिषेक बच्चनलाई पनि कोरोना पोजेटिभ देखिएको छ। उहाँले ट्वीटर मार्फत आफू कोरोना संक्रमित भएको जानकारी दिनुभएको छ । अभिषेकका पिता अमिताभले शनिबार राति आफूलाई कोरोना भाइरस संक्रमण भएको सामाजिक सञ्जाल मार्फत जानकारी गराउनुभएको थियो।

उहाँले पनि आफ्नो ट्वीटमा संक्रमण पुष्टि भएपश्चान आफू नानावति अस्पतालको आइसोलेशनमा बसेको जानकारी गराउनुभएको थियो ।

अभिषेकले बुबा र आफूलाई सामान्य लक्षण देखिएको र अहिले अस्पतालमा उपचाररत रहेको बताउनुभएको छ । उहाँले सबैलाई नआत्तिन आग्रह गर्नुभएको छ ।