काठमाडौं ३०,असोज ।
देशभरका प्रयोगशालामा गरिएको पीसीआर परीक्षणमा शुक्रबार थप ४ हजार ३९२ जनामा कोरोना भाइरस संक्रमण पुष्टि भएकोछ । पछिल्लो २४ घण्टामा १६ हजार ५३१ नमुना परीक्षण गर्दा उनीहरुमा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यस्तै शुक्रबार देशभर बाट ३ हजार ५ सय २२ जना कोरोना संक्रमित डिस्चार्ज भएका छन्। योसँगै कोरोना संक्रमण जितेर हालसम्म डिस्चार्ज हुनेको संख्या ८८ हजार ४० पुगेको छ।
अब देशभर ३७ हजार ३ सय ८२ जना सक्रिय संक्रमितहरु रहेका छन् ।
पछिल्लो २४ घण्टामा थप २१ जनाको कोरोनाबाट मृत्यु भएको छ। योसँगै कोरोनाबाट ज्यान गुमाउनेको संख्या देशभर ७ सय १५ पुगेको छ।
