धारान १७, असोज ।

धरानस्थित बिपी कोइराला स्वास्थ्य विज्ञान प्रतिष्ठानमा उपचाररत थप एक कोरोना संक्रमितको मृत्यु भएको छ।

प्रतिष्ठानमा उपचाररत २८ वर्षीया महिलाको उपचारका क्रममा आज बिहान ४ः३० बजे मृत्यु भएको प्रतिष्ठानका सहप्रवक्ता डा आशिष श्रेष्ठले जानकारी दिनुभयो । सुनसरी इनरुवा ४ की ती महिलामा असोज ८ गते कोरोना पोजिटिभ देखिएको थियो।

संक्रमित महिलामा अन्य कुनै पनि रोग थिएन। कोरोना संक्रमण पोजिटिभ देखिएकै दिन उनलाई प्रतिष्ठानमा भर्ना गरेर उपचार सुरु गरिएको थियो।