नेपालगन्जः दाङको तुलसीपुरस्थित डा.किशोर खत्रीले आफुमाथि ज्यान मार्ने धम्की आएको भन्दै सुरक्षाको माग गरेका छन् ।
तुलसीपुर उपमहानगरपालिका ५ निवासी बालरोग विशेषज्ञ डा.खत्रीले तुलसीपुर उपमहानगरपालिका ११ का वडाअध्यक्ष मानबहादुर रावतले आफुलाई ज्यान मार्ने धम्की दिएको बताए ।
सोमवार विहान ७ः २० बजेको समयमा लक्ष्मी स्विट हाउसमा चिया नास्ता खान गएको अवस्थामा वडाअध्यक्ष रावतले आफुलाई नगरपालिकामा किन भाषण गरिस् ? तेरो के हैसियत छ ? तलाई सिध्याइदिन्छु भन्दै धम्की दिएको डा.खत्रीले बताए ।
उनले आफ्नो फेसबुकमा समेत पोष्ट गर्दै ज्यानको सुरक्षा माग्दै रावतमाथि कारवाहीको माग गरेर इलाका प्रहरी कार्यालय तुलसीपुरमा उजुरी दिएको जानकारी दिएका छन् ।
