नेपालगन्ज: रवि लामिछानेलाई न्याय दिनुपर्ने भन्दै जुम्लामा एक युवकले आत्मदाहको प्रयास गरेका छन् ।
कर्णाली स्वास्थ्य विज्ञान प्रतिष्ठानमा ड्राइभरको रुपमा कार्यरत ४० वर्षीय गोकर्ण कार्कीले आफ्नै शरीरमा आगो लगाउने प्रयास गरेको प्रहरीले जनाएको छ ।
जिल्ला प्रशासन कार्यालय अगाडि शरीरमा पेट्रोल छर्किएका कार्कीले लाइटर पार्ने प्रयास गर्दै गर्दा प्रहरीले उद्धार गरेको प्रहरी निरीक्षक यामबहादुर बुढामगरले जानकारी दिनुभयो ।
कार्की बाँकेको कोहलपुर निवासी भएको खुलेको छ । प्रहरीले समयमै उद्दार गरेकाले ठूलो घटना टरेको हो ।
